準媽媽必讀!5大要素增加順產機率!

2021/05/31
準媽媽必讀!5大要素增加順產機率!
順產是人類最自然的分娩方式,順產對於孕婦及寶寶都比剖腹產有利,但是由於種種原因,現在剖腹產的孕婦不在少數,為了增加順產機率,孕媽媽們可在孕期做好一些工作,下面的5種方法增加順產機率... ...

順產是人類最自然的分娩方式,順產對於孕婦及寶寶都比剖腹產有利,但是由於種種原因,現在剖腹產的孕婦不在少數,為了增加順產機率,孕媽媽們可在孕期做好一些工作,下面的5種方法增加順產機率:

1.合適之年齡分娩

滿35歲嘅分娩已經屬於高齡初產婦,隨著年齡增長,妊娠與分娩嘅危險係數將會更高!因為隨住年齡增長產道、會陰、盆骨嘅關節變硬,不易擴張!而子宮嘅收縮力及陰道嘅伸張力都會比較差,以至於分娩時間延長,容易發生難產!其次孕婦年齡越大,發生高血壓、糖尿病、心臟病併發症嘅機會大大提升!因此未能順產而需要剖腹產干預嘅機會一般較大。大多數醫學專家認為,女性生育嘅最佳年齡係25至29歲左右,處於呢個年齡階段嘅女性順產機會相對較大!



鎮靜及紓緩皮膚,改善皮膚水分含量!
PHB 蘆薈滋潤修護啫喱 >>按此購買


2.控制孕期營養攝取及體重

若BB體重超過約8.8磅(~4kg)則為超重磅B,母體難產率會大大增加。如果喺產前檢查中醫生預測胎兒體重超過4kg,一般會建議產婦以剖腹產。正常大小嘅胎兒一般可以順利分娩,但超重磅B嘅頭就比較大,胎頭或會「擱淺」喺盆骨入口處,難以通過盆骨所以需剖腹產,否則最後可能要用到產鉗或胎頭吸引器幫助胎兒分娩!如果胎兒嘅肩部脂肪較多,肩部特別寬,或會發生肩難產!

若孕媽患有糖尿病,胎兒血糖都會持續增高,會刺激胎兒胰腺分泌過多胰島素,就會造成脂肪、蛋白質同糖元喺BB體內積存過多,呢啲都係導致胎兒超重磅嘅主因!多食新鮮蔬菜及含豐富蛋白質食物,少食含碳水化合物、脂肪量高嘅食品,如甜食、油炸食品、甜飲品等。最理想嘅懷孕體重喺孕初3個月以內增加約2kg,懷孕中期4至6個月、後期7至9個月各增加約5kg,合共12kg內為佳。如果成個孕期增加20kg以上,或會令寶寶成為超重B。

3.適量孕期運動

適量孕期運動除咗可以控制孕期體重仲有利於順利分娩!因為運動可以增加腹肌、腰背肌同盆骨底肌肉嘅張力及彈性,令關節同韌帶鬆弛柔軟,咁生產嘅時候肌肉就得以放鬆,減少產道嘅阻力,令寶寶都可以較快咁通過產道!據有關研究結果顯示,堅持孕期運動者,正常陰道產率顯著高於少運動嘅產婦,產程都相對比後者短!孕期運動仲可以緩解準媽媽嘅疲勞同壓力,增強自然產嘅信心。

**有習慣性流產史、早產史、此次妊娠合併前置胎盤或嚴重內科合併症孕期運動需請示醫生指引。



含豐富的維他命,礦物質及營養,提亮肌膚!
PHB 亮白淡斑啫喱 >>按此購買


4.定時做產前檢查

定期產檢可以連續觀察各個階段胎兒發育同自身變化嘅情況,例如胎兒喺子宮內生長發育正常與否、孕婦營養良好與否!而且可及時發現孕媽常見嘅合併症如妊娠高血壓、糖尿病、貧血等疾病,以便及時得到相應治療,防止疾病向嚴重階段發展而影響自然產。喺妊娠期間胎位亦有可能發生變化,若及時發現就可以適時糾正!如果唔定期做檢查或太遲檢查,即使發現不正常情況,都好可能因為延誤而難於或無法糾正!各位準媽媽記得定期做產前檢查呀,做足晒就大大增加自然產機率啦!

5.做好產前準備

預產期前一個月,準媽媽就應通過醫生或讀本嚟了解有關分娩嘅知識,做好心理準備都好緊要㗎!預產期前2週,孕媽可能每天都會感到有幾次不規則嘅子宮收縮,經過臥床休息後,宮縮就會好快退去!呢段時間孕媽需要保持正常嘅生活同睡眠,食多啲營養豐富、容易消化嘅食物,就好似牛奶、雞蛋等,為分娩準備充足嘅體力!臨產前,孕媽記得要保持穩定心情,一旦宮縮開始雖然會陣痛不斷,但要堅定信心,相信自己可以喺醫生同助產士嘅幫助下安全順利咁分娩!



有效補充皮膚水份,舒緩肌肉緊張及消除疲勞!
Helan 甜杏摩洛哥堅果嫩膚油 >>按此購買


Text:Mamaishop Editorial

相關商品
Mamaishop