孕期點瞓先至好?睡姿錯或引起胎兒窒息、死亡!?

2021/09/06
孕期點瞓先至好?睡姿錯或引起胎兒窒息、死亡!?
孕媽瞓覺會分三個階段,孕早期、孕中期、孕晚期,而當中值得注意嘅就係孕中期同孕晚期,準媽媽最好採取左側臥位姿勢去瞓,咁樣對自己同BB都有好處㗎!咁點解平瞓同右側臥唔得呢?

孕媽瞓覺會分三個階段,孕早期、孕中期、孕晚期,而當中值得注意嘅就係孕中期同孕晚期,準媽媽最好採取左側臥位姿勢去瞓,咁樣對自己同BB都有好處㗎!咁點解平瞓同右側臥唔得呢?好多新手孕媽喺頭一胎嘅時候都唔習慣,都會問如果左側臥但又瞓唔著咁點算?等小編講解你知啦,新手準爸爸都要學嘢啦!

孕早期(1-3個月),點瞓舒服就點瞓~

懷孕早期胎兒喺子宮內發育,仍然喺母體盆腔內,外力直接壓迫或自身壓迫都唔會好重,因此準媽媽嘅睡眠姿勢可隨意,只要係舒適姿勢,就好似仰臥位、側臥位都可以!但趴喺度瞓又或攬住攬枕瞓等不良睡覺姿勢就要開始改咗佢啦!

孕中期(4-7個月),保護肚子係關鍵

呢個時候準媽媽嘅肚已經比較顯眼,就開始要收斂一下平日豪放嘅睡姿啦!懷孕中期應該要多注意保護腹部,避免外力嘅直接擠壓!如果孕媽羊水過多、係雙胞胎或多胞胎懷孕,就更加要採取側臥位睡姿啦~如果準媽媽覺得下肢沉重,則可以採取仰臥位,可用鬆軟嘅枕頭稍墊高下肢㗎!

孕晚期(8-10個月),左側臥最舒服又安全

一般人會認為心臟喺左邊,瞓覺時候最好係往右側臥,咁就可以減少對心臟嘅壓迫!但其實對於孕晚期嘅準媽媽嚟講係正正相反㗎!懷孕晚期嘅臥位非常重要,準媽媽嘅臥位同睡姿對自身同胎兒嘅安危都有重大關係,宜採取左側臥位,呢個時期不宜採取仰臥位!



孕媽喺孕期都可以有覺好瞓,寶寶出世後都用到!
Hugsie接觸涼感型孕婦枕(舒棉款)+安撫秀秀枕套>>按此購買


點解左側臥位先係最佳睡姿

1.可以糾正子宮增大嘅右旋,能減輕子宮對腹部主動脈嘅壓迫

2.能改善血液循環,增加對BB嘅供血量,有利於寶寶生長發育

3.有助於準媽媽嘅腎臟有效咁將廢物同廢液排出體外

4.能減輕孕媽腳踝、腳同手等部位嘅水腫

隨著孕周增加,子宮會不斷增大,而到咗孕晚期幾乎佔據整個腹腔,所以會令臨近組織器官受到擠壓,子宮唔同程度咁向右旋轉,從而令保護子宮嘅韌帶同繫膜處於緊張狀態,繫膜中助子宮提供營養嘅血管都會受到牽拉,或會影響胎兒嘅氧氣供給,容易造成胎兒慢性缺氧,嚴重時或會引起胎兒窒息、死亡!

孕晚期仰臥有咩影響?

孕晚期,要盡量避免平躺住咁瞓覺,因為呢種睡姿會將子宮嘅全部重量壓到準媽媽嘅脊柱、背部肌肉、腸道同下腔靜脈(負責將血液從下肢輸送到心臟嘅血管)上。仰臥仲可能導致出現背痛、痔瘡、消化不良、呼吸同循環系統唔暢順等情況!更有可能會影響你嘅血壓,導致有啲準媽媽會血壓下降而覺得頭暈,而有部分準媽媽則會血壓過高!




促進細胞生長令肌膚回復彈性!
Helan 甜杏摩洛哥堅果嫩膚油>>按此購買


孕媽提高睡眠質量有辦法!

1.左側臥習慣由孕前培養,甚至備孕時已可以同老公配合嘗試左側臥瞓,,咁就可以係孕期嘅時候都好自然而然咁左側臥啦!

2.買個側睡枕,揀個鍾意同合適嘅側睡枕,能調節睡姿有助睡眠!或身後墊個高嘅枕頭或摺疊嘅小棉被,瞓覺嘅時候依靠住佢。其後再慢慢降低墊高嘅高度,最後換成用枕頭左側臥瞓!

3.左側臥時儘量唔好將左臂壓喺身下,手可以伸向前上方,同時唔好縮成一團,咁就會瞓得舒服啲,唔會因蜷縮而壓迫到個肚啦!

4.儘量放鬆心情,可於睡前喝杯熱牛奶,同胎內寶寶傾訴一下,想像一下BB出生後嘅樣,轉移注意力或令自己平靜落嚟,咁可以更快入睡啦!孕媽睡前可以做一些放鬆的運動、聽聽輕音樂來放鬆心情,以幫助入睡。

5.孕媽不宜睡軟床,因為這會加重腰疼,也會使主動脈和下腔靜脈受壓,影響孕媽和胎寶寶的健康。建議孕媽睡硬板床,如果孕媽不習慣,可以在床上鋪上10厘米左右厚的棉墊。

6.調低睡眠環境溫度。因為準媽在懷孕期體溫會相對升高,稍微調低一點的睡眠環境溫度可以讓孕媽感到比較舒適,有助入睡,但溫度不宜太低。



孤型托腹,專業腰帶鬆緊設計!
KaTuKaTu - 孕媽媽內褲(孖裝)>>按此購買


如果左側瞓真係覺得難受,都可以稍稍左右交替咁瞓,翻下身會舒服啲!但要留意肚子較大嘅孕媽可能要叫醒準爸爸幫忙翻個身!不過強烈建議都係要以左側位睡為主!到了孕中、後期建議採取左側臥位,因為咁樣唔單止可以保證血液循環暢通同氧氣供給量充足,都有助於排尿,仲可以緩解孕期水腫的問題,所以為了BB嘅健康著想,孕媽們要忍一忍啦!

Text:Mamaishop Editorial
相關商品
Mamaishop