家長必讀6大規條!培養寶寶自願性執玩具!

2021/05/31
家長必讀6大規條!培養寶寶自願性執玩具!
隨著玩具日益增加但又無處堆放,寶寶又唔鍾意將玩具收返好,呢啲都係好多家長急切想解決嘅問題,原來只要運用以下6個方法,就可以令BB更願意自己玩具自己執!

BB一日一日咁長大,開始對於身邊嘅事物都感到興趣,呢個時候佢對於玩具嘅需求都會越來越大!隨著玩具日益增加但又無處堆放,寶寶又唔鍾意將玩具收返好,呢啲都係好多家長急切想解決嘅問題,原來只要運用以下6個方法,就可以令BB更願意自己玩具自己執!

1.標準唔好定得太高

小朋友嘅專注力比較短暫,無辦法長時間只做同一件事,儘量將寶寶執玩具嘅時間控制喺15分鐘之內為佳!另外幼兒嘅肌肉發育尚未完全,所以會比較欠缺力氣、體力都好有限,冇辦法做得太完美,但只要佢願意參與及收拾完畢,家長都應該給予認同,令寶寶自信心增加願意再接再厲!



一次過培養孩子嘅空間感、平衡感、思考力,觀察力,創造力!
KUMON-益智轉轉樂 >>按此購買


2.實行玩具就係寶寶嘅朋友

玩具對小朋友嘅成長絕對佔有一大席位,亦係大家兒時嘅好拍檔!玩具可以激發各個年齡層兒童嘅想像力,係一個重要媒介!因此喺執玩具嘅時候,家長可以同寶寶講:「玩具返屋企嘅時間到啦!要返屋企啦~唔好俾玩具周圍流浪啦!」除咗培養責任感,都可以教識佢有同理心及愛錫玩具,唔會隨便丟棄玩具!

3.將收拾變身為一場遊戲

小朋友無辦法好好執拾玩具,通常係因為佢哋唔理解大人分類嘅規則,呢個時候不妨俾佢哋練習自己分類,從中可以學習到辨識物體,搵出各個物體相似或相異點!而家長都可以喺過程中融入遊戲,就好似俾寶寶擔任火車頭,載住玩具返佢哋嘅屋企!又或者係扮成貓咪媽媽帶蕩失路嘅玩具小貓返屋企!



超像真木製攪拌機,訓練寶寶手仔靈活性!
SPRIE-Wooden Baking Set >>按此購買


4.利用音樂建立暗號

喺小朋友啱啱開始學習收拾嘅時候,通常都比較不願意同不明白,家長們可以透過播放一啲佢哋鍾意嘅音樂作為「收拾時間」、「玩具歸家」嘅暗號,從而加深寶寶對於玩具夠鐘返屋企嘅印象,唔止可以一邊唱歌一邊整理,仲可以令幼兒儘早了解及適應日後返學嘅上堂落堂鈴聲!



透過重複輕鬆嘅遊戲培養小朋友集中力及手眼協調能力!
KUMON-益智錘錘樂 >>按此購買


5.家長須以身作則

作為家長就係寶寶嘅榜樣,爸爸媽咪做啲咩講啲咩,小朋友話咁易就模仿到!所以如果家長自己都係一個唔會物歸原位嘅人的話,小朋友通常都會有樣學樣!若希望寶寶成為一個有自主能力、責任感嘅人,家長謹記都要做個好嘅榜樣,令佢可以喺不自覺中學習家長嘅典範!



俾寶寶練習餐桌禮儀,點食多士靠佢啦!
SPRIE-Wooden Breakfast Set>>按此購買


6.宜建立規矩並耐心提醒

想家居內有個整潔嘅環境,必須由建立規則做起,家長可以同小朋友約法三章,玩具嘅數量唔可以超過現有或原有嘅收納容器大小!喺佢多買一樣玩具嘅時做,就要淘汰現有嘅一樣,令寶寶學習控制慾望並學識買玩具唔係必然嘅!同時令佢明白到要好好愛惜自己擁有嘅玩具,更願意去將玩具收拾返去原位。



咁就可以培養到小朋友責任感、自理能力同自我意識!
好孩子獎勵計劃:My Reward Chart/Today Is…Chart >>按此購買


Text:Mamaishop Editorial

相關商品
Mamaishop